Sede Electrónica de la Dirección General de Fondos Europeos
Egoitza elektronikoa
Europarrak Funtsen Zuzendaritza Nagusia
astelehena, 2021(e)ko maiatzaren 10a 23:03:53

Lege-oharra

Langileen Kostuen eta Pentsio Publikoen Zuzendaritza Nagusiaren egoitza elektronikoaren titulartasuna eta erantzukizun-erregimena

Herritarrak zerbitzu publikoak bide elektronikoz eskuratzeari buruzko ekainaren 22ko 11/2007 Legea partzialki garatzen duen azaroaren 6ko 1671/2009 Errege Dekretuaren 3.2. artikuluak zehazten du identifikatu egin behar direla egoitza sortzeko aginduaren titularra eta kudeaketaz eta herritarren eskura jarritako zerbitzuez arduratzen diren organoak.

 Agindu horri jarraiki, Ekonomia eta Ogasun Ministerioan egoitza elektroniko jakin batzuk eratzen dituen abenduaren 17ko EHA/3408/2009 Aginduaren 8 d) artikuluan ezartzen da Europako Erkidegoko Funtsen Zuzendaritza Nagusiari dagokiola (https://sedefondoscomunitarios.gob.es) Europako Erkidegoko Funtsen Zuzendaritza Nagusiaren egoitza elektronikoaren titulartasuna.

Egoitzaren erantzukizun-erregimenari dagokionez, honako hau jasotzen du artikulu horrek:

  1. Estatuko Administrazioko Kontu-hartzailetza Nagusiaren Aurrekontu Informatikako zerbitzuen eskumena izango da egoitzaren kudeaketa teknologikoa.
  2. Klase Pasiboen Kudeaketarako Zuzendariordetza Nagusiaren titularrak herritarren eskura jarritako kudeaketa, eduki eta zerbitzuen arduradun izango dira.

Herritarrak zerbitzu publikoak bide elektronikoz eskuratzeari buruzko ekainaren 22ko 11/2007 Legearen 10.2. artikuluari jarraiki, "egoitza elektroniko bat ezartzean, titularrari dagokio egoitzaren bidez eskuratu daitezkeen informazio eta zerbitzuen zuzentasuna, egiazkotasuna eta eguneraketa bermatzea.

Bestalde, lege hori partzialki garatzen duen Errege Dekretuaren 7.1. artikuluak ezartzen duenez, egoitza elektroniko batek ez du erantzukizunik izango beste organo edo administrazio publiko baten ardurapeko egoitzekin konektatzeko estekak izateagatik, horien edukien zintzotasunari, egiazkotasunari eta eguneraketari dagokienez.

Egoitzak behar diren baliabideak jarri behar ditu, herritarrek jakin dezaten eskuratu duten informazioa edo zerbitzua egoitzarena den edo, egoitza-izaerarik ez duen sarbide-puntu batena edo hirugarren batena den.

Hala, bada, Europako Erkidegoko Funtsen Zuzendaritza Nagusiaren egoitza elektronikoan esteken gaineko mezuen bidez adierazten da horietara sartuz gero egoitzatik irten egiten zaren.

Pribatutasuna eta datuen babesa

Europako Erkidegoko Funtsen Zuzendaritza Nagusiak ez du datu pertsonalik jasotzen baimenik gabe. Interesatuak emandako datuak, dagozkion prozedura edo jardueretako aurreikusitako helburuetarako soilik erabiliko dira.

Datu horiek ezin zaizkie inola ere hirugarrenei utzi. Horretarako, beharrezkoa da interesatuak baimen argia ematea, edo Datu Pertsonalak Babesteko abenduaren 13ko 15/1999 Legearen 6.2 eta 11.2 artikuluek aurreikusitako kasuren bat izatea.

15/1999 Lege Organikoak agintzen duenez, datu-emaileak noiznahi erabil dezake datuak begiratu, aldatu, ezabatu edo haien aurka agertzeko eskubidea, arauek diotenaren arabera jardunez.

Pribatutasun-politika hori egoitza honen orrietara mugatzen da, eta ez da bermatzen toki honetara konektatzeko estekak dituzten orrietan, edo toki honetako esteken bidez irekitzen diren web-orrietan.

Azaroaren 6ko 1671/2009 Errege Dekretuaren 6.1 g) artikuluak ezarritakoari jarraiki, Datuak Babesteko Espainiako Agentziaren egoitza elektronikora konektatzen duen esteka gehitu da.

Jabetza intelektuala eta industriala

Egoitza honen diseinua eta iturburu-kodeak —logoak, markak eta bestelako ikur bereizgarriak—, Langileen Kostuen eta Pentsio Publikoen Zuzendaritza Nagusiarenak dira, eta dagozkien jabego intelektual eta industrialen eskubideek babestuta daude.

Debekatuta dago hura erabili, banatu, argitaratu, eraldatu edota antzeko beste edozer egitea, Ogasun Ministerioak berariazko baimena ematen badu salbu.

Hizkuntza koofizialen erabilera egoitzan

Herritarrak zerbitzu publikoak bide elektronikoz eskuratzeari buruzko ekainaren 22ko 11/2007 Legearen Seigarren Xedapen Gehigarriak bere lehen atalean zehazten duenez, Estatuko hizkuntza ofizialen erabilera bermatuko da herritarrak bide elektronikoen bidez Administrazio Publikoekin harremanetan jartzen direnean, Administrazio Publikoen eta Administrazio Prozedura Erkidearen Araubide Juridikoari buruzko 30/1992 Legean eta kasu bakoitzean aplikatu beharreko araudian ezarritakoari jarraiki.

Xede horretarako, edukiak eta zerbitzuak hizkuntza horietan eskuratzeko aukera bermatu behar dute hizkuntzen koofizialtasuna duten lurraldeen eskumena duten titularren egoitza elektronikoek.

Prozeduren kudeaketa elektronikoan erabilitako sistema eta aplikazioak, Administrazio Publikoen eta Administrazio Prozedura Erkidearen Araubide Juridikoari buruzko 30/1992 Legeak hizkuntza ofizialei buruz ezarritakoari egokituko zaizkio.

Aplikatu beharreko zuzenbidea eta jurisdikzio eskuduna

Legezko ohar honen terminoak interpretatzerakoan eztabaidak edo ezadostasunak baldin badaude, edo egoitza honen zerbitzuei buruzko edozein auzi argitu nahi bada, Espainiako legera joko da.

Egoitza bisitatzean edo hor eskaintzen diren zerbitzuak erabiltzean sor daitezkeen gatazkak, Europako Erkidegoko Funtsen Zuzendaritza Nagusiak eta erabiltzailearen lurraldeko epaile eta auzitegien esku jarriko dira, betiere, erabiltzailea Espainian bizi bada.

Cookien Politika

Gunearen erabilerari buruzko estatistiken jarraipena burutzeko (adibidez, bisiten kopurua orri bakoitzeko, bisiten orduak eta egunak, etab.), atari honek web gunearen estatistika azterketako plataforma hau erabiltzen du: Google Analytics. Aipatutako plataformak cookieak erabiltzen ditu estatistika adierazle desberdinak lortzeko.

Cookieak dira erabiltzaileak bisitatzen dituen web guneek bere nabigatzaileak sortutako fitxategiak, web guneek erabiltzaileak gunean bertan garatzen duen jarduera erregistratu ahal izateko. Hurrengo helbideak kontsultatu daitezke Google Analytics plataformak erabilitako cookien erabilera: plataformak web gunean erabiltzen dituen cookien erabilera.

Atari honetatik nabigatzeko, ez da beharrezkoa zuk cookie hauek instalatzeko baimena ematea: zuk zuzenean desgaitu ditzakezu zure nabigatzailean.

Atari honek cookien inguruko legeekin eta politikarekin bat egiten du, Datu Babesaren Espainiako Agentziak emanda.

Hizkuntza-politika

Une hauetan gazteleraz dagoen informazio osoa aurkituko duzu hemen, baita katalanez, euskaraz, galegoz eta ingelesez itzulitakoa ere. Argitaratutako dokumentu hauek ez daude itzulita, salbuespenak salbuespen.

Administrazioaren hizkuntza-politikaren oinarria da pertsona orok aukera izatea hizkuntza koofizialean edo ingelesez informazioa jasotzea.

Webgune honetako edukiak gazteleraz idatzi dira jatorrian, eta itzulpen automatikorako softwareak erabiliz itzuli dira katalanera eta galegora. Beraz, akatsak egon litezke

Webgune honetako testu ofiziala gaztelerazko bertsioa da. Zalantza edo galderarik izanez gero webgune honetan itzulitako testuen edozein zatitan dagoen informazioaren zehaztasunaren inguruan, mesedez, kontsultatu gaztelerazko bertsio ofiziala.